Kesh deb tashrif buyurilgan internet sahifalari haqidagi ma’lumotlar saqlanadigan jildga aytiladi. Dastlab bu ma’lumotlar sahifada tezroq yuklanishiga yordam berish uchun internet brauzerlari tomonidan foydalanilgan. Biroq, ba’zida kiritilgan o‘zgarishlar tufayli veb sahifalar to‘g‘ri ko‘rinmasligi mumkin, chunki brauzer keshdan o‘tmishdagi eskirgan ma’lumotlarni yuklashda davom etaveradi. Shu sababli, internet brauzeringiz keshini vaqti-vaqti bilan tozalab turish zarur.
Keshni tozalash uchun foydalanayotgan internet brauzeringizni tanlang va quyidagi ko‘rsatmalarga amal qiling.
Google Chrome
Kompyuterda Chrome brauzerini oching.
Yuqori o‘ng burchakdagi uchta vertikal nuqta belgisini bosing.
"More tools" ("Qo‘shimcha vositalar") bo‘limini, so‘ngra "Clear browsing data…" ("Ko‘rish ma’lumotlarini tozalash...") bandini tanlang.
Yuqori qismida vaqt oralig‘ini tanlang. Hammasini o‘chirib tashlash uchun "All time" ("Butun davr uchun") bandini tanlang.
"Cookies and other site data" ("Kuki-fayllar va saytlarning boshqa ma’lumotlari") hamda "Cached images and files" ("Keshdagi tasvirlar va fayllar") qatorlari yonidagi katakchalarni belgilang.
"Clear data" ("Ma’lumotlarni o‘chirish") tugmasini bosing.
Mozilla Firefox
Ekranning yuqori qismidagi menyu satrida "Firefox" tugmasini bosing va "Preferences..." ("Sozlamalar...") bandini tanlang.
"Privacy & Security" ("Maxfiylik va xavfsizlik") panelini tanlang.
"Cookies and Site Data" ("Kuki-fayllar va sayt ma’lumotlari") bo‘limida "Clear Data…" ("Ma’lumotlarni tozalash...") tugmasini bosing.
"Cookies and Site Data…" ("Kuki-fayllar va sayt ma’lumotlari...") qatori oldidagi tasdiq belgisini olib tashlang.
"Cached Web Content" ("Veb-kontent keshda") bandini belgilang va keyin "Clear" ("Tozalash") tugmasini bosing.
Yandex Browser
"Advanced" ("Qo‘shimcha") tugmasini bosing, keyin "Clear history" ("Tarixni tozalash") bandini tanlang.
"Delete the following" ("Quyidagilarni o‘chirish") bo‘limida kesh ma’lumotlarini o‘chirmoqchi bo‘lgan vaqt oralig‘ini tanlang.
"Cached files" ("Keshdagi fayllar") bandini tanlang.
Qolgan barcha bandlarni o‘chirib qo‘ying (agar siz faqat brauzer keshini tozalamoqchi bo‘lsangiz).
"Clear" ("Tozalash") tugmasini bosing.
Microsoft Edge
Microsoft Edge brauzerini oching, menyuni (brauzerning yuqori o‘ng burchagidagi uchta nuqta) tanlang, keyin Settings > Privacy, search, and services (Sozlamalar > Maxfiylik, qidiruv va xizmatlar) bo‘limiga o‘ting.
"Clear browsing data" ("Ko‘rish ma’lumotlarini tozalash") bo‘limida "Choose what to clear" ("Nimani tozalashni tanlash") tugmasini bosing.
"Cached images and files" ("Keshdagi tasvirlar va fayllar") hamda "Cookies and other site data" ("Kuki-fayllar va saytlarning boshqa ma’lumotlari") bandlarini belgilang va keyin "Clear now" ("Hozir tozalash") tugmasini tanlang.
Opera
Kompyuterda Opera brauzerini ishga tushiring.
Settings (Sozlamalar) tugmasini bosing.
Pastga "Privacy and Security" ("Maxfiylik va xavfsizlik") bo‘limiga o‘ting.
"Clear Browsing Data" ("Ko‘rish ma’lumotlarini tozalash") variantlarini ochish uchun bosing.
"Browsing history, Cookies, and other site data" ("Ko‘rish tarixi, kuki-fayllar va saytlarning boshqa ma’lumotlari") bilan birga "Cached images and files" ("Keshdagi tasvirlar va fayllar") bandlarini belgilang.
Safari
Mac qurilmangizdagi Safari ilovasida History > Clear History (Tarix > Tarixni tozalash) bandini tanlang, keyin ochilgan menyuni bosing.
Ko‘rish tarixingiz qanchalik uzoq vaqt oralig‘i uchun tozalanayotganini tanlang.