Ekspiratsiya ma’lum bir CFD instrumentlari uchun tayanch aktiv bo‘lib xizmat qiladigan fyuchers shartnomasi muddatining yakunlanishidir. Eski shartnoma muddati tugashi sababli ushbu instrument bo‘yicha savdolarni davom ettirish uchun yangi shartnomaga o‘tish talab etiladi.
Ekspiratsiya sanasi kelganda, agar Avtouzaytirish funksiyasi faollashtirilmagan bo‘lsa, eski shartnomaga asoslangan barcha savdolar yopiladi. Shartnomani uzaytirish vaqtida ushbu instrument uchun qo‘yilgan barcha kutilayotgan buyurtmalar ham o‘chirib tashlanadi.
Fyuchers shartnomalarining amal qilish muddatlarini Instrument spetsifikatsiyalari bo‘limidan tekshirishingiz mumkin.
Trejderlarga shartnoma muddati tugagandan keyin ham o‘z pozitsiyalarini ochiq qoldirish imkonini berish uchun amal qilish muddati tugaydigan shartnomalarga ega instrumentlar uchun Avtouzaytirish funksiyasi mavjud.
Bunday instrumentlar ishtirokidagi faol savdolar uchun Avtouzaytirish funksiyasi standart ravishda yoqilgan bo‘ladi, shuning uchun shartnoma muddati tugagach savdo avtomatik tarzda uzaytiriladi. Ushbu parametr savdo sozlamalaringizda yoqilganligini tekshirib ko‘rish qat’iyan tavsiya etiladi.
Kompyuter talqinida Avtouzaytirishni qanday yoqish mumkin?
Sozlamoqchi bo‘lgan faol savdongizni tanlang.
"Komissiyalar va hisobotlar" yorlig‘iga o‘ting.
Bu yerda siz "Avtouzaytirish" katakchasini belgilashingiz yoki belgini olib tashlashingiz mumkin.
Grafikda amal qilish muddatining tugashi sariq rangli "E" belgisi bilan ko‘rsatiladi.
Mobil ilovada Avtouzaytirishni qanday yoqish mumkin?
"Savdo bitimlari" bo‘limidan o‘zingizga kerakli savdoni tanlang.
"AXBOROT" yorlig‘iga o‘ting.
Bu yerda siz "Kontraktni yangi muddatga uzaytirish" parametrini yoqishingiz yoki o‘chirishingiz mumkin.
Avtouzaytirish qanday ishlaydi?
Amal qilish muddati tugagan paytda tizim joriy savdoning moliyaviy natijasini qayd etadi.
Savdo eski shartnomadan ajratiladi va texnik jihatdan yangilangan kotirovkalarga ega yangi shartnomaga o‘tkaziladi.
Savdo miqdori va multiplikator saqlangan holda savdo yangi shartnomaga qayta bog‘lanadi. Texnik jihatdan yangi shartnomada yangi savdo amalga oshiriladi, shu sababli Instrument spetsifikatsiyalari bo‘yicha spred va ochilish komissiyasi undiriladi.
Qayta ochilish narxi shunday hisoblanadiki, yangi shartnomaning birinchi haqiqiy narxi kelganda moliyaviy natija o‘zgarishsiz qoladi.
Iltimos, e’tibor qiling: fyuchers shartnomasi amal qilish muddatining so‘nggi kunlarida likvidlik kamayishi sababli, Kompaniya keyingi mavjud shartnomaga oldindan, hatto birjadagi rasmiy ekspiratsiya sanasidan avvalroq o‘tishi mumkin.