"Karta orqali o‘tkazmalar" P2P to‘lov usuli, bu sizning hududingizda cheklovlarga duch kelishi mumkin bo‘lgan an’anaviy to‘lov xizmatlariga samarali muqobildir.
Hisobingizni to‘ldirish uchun savdo platformasiga foydalanuvchi nomi va parolingiz bilan kiring. Tizimga kirgach, quyidagi amallarni bajaring:
Birinchi qadamlar
Jarayonning birinchi qismi siz mobil ilovadan yoki kompyuter talqinidan foydalanayotganingizga bog‘liq.
Mobil ilovada
1. "Hamyon" bo‘limiga o‘ting va "Depozit kiritish" tugmasini bosing.
2. Mablag‘ kiritmoqchi bo‘lgan hisobingizni tanlang.
3. To‘lov usuli sifatida "Karta orqali o‘tkazmalar" bandini tanlang.
4. Miqdorni ko‘rsating va "Depozit" tugmasini bosing. Siz to‘lov tizimining veb saytiga yo‘naltirilasiz.
Kompyuter talqini
1. Sahifaning yuqori qismidagi "Depozit kiritish" tugmasini bosing.
2. Mablag‘ kiritmoqchi bo‘lgan hisobingizni tanlang, to‘lov usuli sifatida "Karta orqali o‘tkazmalar" bandini belgilang va miqdorni ko‘rsating.
3. "Depozit" tugmasini bosing. Siz to‘lov tizimining veb sahifasiga yo‘naltirilasiz.
Keyingi qadamlar
1. To‘lov tizimi sahifasiga yo‘naltirilgach, o‘zingizga mos keladigan variantni tanlang. E’tibor bering, mavjud variantlar ro‘yxati to‘lov xizmati ko‘rsatuvchilarining joriy imkoniyatlariga qarab farq qilishi mumkin.
2. Sahifada o‘tkazma uchun zarur bo‘lgan to‘lov rekvizitlari (summa, karta raqami va karta egasining ismi-sharifi) ko‘rsatiladi. Keyingi bosqichni osonlashtirish uchun ularni nusxalab olishingiz mumkin. Shuningdek, to‘lov tasdiqlanishini tezlashtirish uchun to‘lov kartangizning oxirgi 4 ta raqamini kiritishingiz mumkin.
E’tibor bering, ushbu bosqichdan boshlab to‘lovni amalga oshirish uchun sizga cheklangan vaqt beriladi. Qolgan vaqt ushbu sahifaning yuqori qismida ko‘rsatiladi.
3. Siz tanlagan to‘lov tizimiga kiring (masalan, bank ilovangizga) va taqdim etilgan rekvizitlar bo‘yicha to‘lovni yakunlang. Odatda bu sizdan o‘tkazmalar va to‘lovlar bo‘limiga o‘tishni talab qiladi. Biroq, menyuning aniq nomlari bank ilovangiz interfeysiga qarab farq qilishi mumkin.
Quyidagilarga mutlaqo ishonch hosil qiling:
O‘tkazilayotgan mablag‘ summasi savdo platformasida ilgari ko‘rsatilgan depozit summasiga hisob-kitob bo‘yicha aniq mos kelishi kerak.
O‘tkazma ilgari tanlangan to‘lov tizimidan amalga oshirilishi kerak.
Izoh yoki xabar maydonlarini to‘ldirmang.
Muvaffaqiyatli o‘tkazmani tasdiqlovchi chek faylini yoki skrinshotni saqlab qo‘ying.
4. Barchasini bajarib bo‘lgach, to‘lov tizimi sahifasiga qayting va "To'lov tugallandi" tugmasini bosing. Ushbu bosqich depozit muvaffaqiyatli amalga oshirilishi uchun juda muhimdir.
5. "To'lov tugallandi" tugmasini yana bir bor bosing.
6. Tasdiqlangandan so‘ng, "To'lov amalga oshirilmoqda" degan xabar paydo bo‘ladi. Agar buni ilgari qilmagan bo‘lsangiz, hali ham to‘lov kartangizning oxirgi 4 ta raqamini kiritishingiz mumkin. Aks holda, platformadan foydalanishda davom etish uchun shunchaki "Yopish" tugmasini bosing.
To‘lovni qayta ishlash bir necha daqiqa vaqt olishi mumkin. Operatsiya yakunlangach, mablag‘lar savdo hisobingizga o‘tkaziladi.
Muhim ma’lumotlar
To‘lovlar provayder tomonidan ish kunlarida GMT vaqti bilan soat 06:00 dan 18:00 gacha qayta ishlanadi.
To‘lovlar soniga hech qanday cheklov yo‘q.
Valyuta ayriboshlash mablag‘ hisobga tushgan vaqtdagi Kompaniyaning ichki kursi (ariza topshirilgan vaqtdagi dastlabki kurs) bo‘yicha amalga oshiriladi.
Boshqa hamyonlardan va to‘lov tizimlarining kartalaridan o‘tkazmalar amalga oshirish taqiqlanadi. Bunday karta yoki hamyonlardan yuborilgan to‘lovlarni qaytarish bilan bog‘liq barcha xavflar va xarajatlar uchun mijoz to‘liq javobgarlikni o‘z zimmasiga oladi.
Agar siz o‘tkazmani amalga oshirgan bo‘lsangiz-u, lekin "Payment completed" ("To'lov tugallandi") tugmasini bosmagan bo‘lsangiz yoki "Cancel" ("Bekor qilish") tugmasini bosgan bo‘lsangiz, iltimos, bizning Qo‘llab-quvvatlash xizmati bilan bog‘laning.
Mablag‘lar hisobga tezroq tushishi uchun tranzaksiya yakunlangandan so‘ng to‘lov tizimi tomonida to‘lov kvitansiyangizni biriktirishni tavsiya qilamiz.
Iltimos, hisobingizni avvalroq taqdim etilgan to‘lov rekvizitlaridan foydalanib qayta to‘ldirmang. Bu depozitingiz yo‘qolishiga olib kelishi mumkin. Keyingi safar depozit kiritish uchun siz yangi ariza yaratishingiz kerak.